اسلام آباد : وزیرداخلہ رانا ثنااللہ کا کہنا ہے کہ آڈیو لیکس میں وزیراعظم ہاؤس ملازمین ملوث ہوسکتے ہیں تاہم تمام پہلوؤں سےتحقیقات جاری ہے۔
تفصیلات کے مطابق وزیرداخلہ رانا ثنااللہ کی جانب سے بیان میں کہا ہے کہ آڈیو لیکس میں وزیراعظم ہاؤس ملازمین ملوث ہوسکتےہیں۔
رانا ثنااللہ کا کہنا ہے کہ ملازمین کےملوث ہونےسمیت تمام پہلوؤں سےتحقیقات جاری ہے، ڈیوائس کےذریعے آڈیو ریکارڈ نگ کا امکان ہے تاہم رپورٹ فوری آنے کا امکان نہیں۔
گذشتہ روز اسلام آباد میں پریس کانفرنس کرتے ہوئے وزیراعظم شہباز شریف نے گفتگو کرتے ہوئے کہا تھا کہ وفاقی کابینہ نے آڈیولیک کی تحقیقات کی اجازت نے دے دی ہے، حساس نوعیت کے معاملات کی شفاف تحقیقات سے قوم کو آگاہ کردوں گا۔
وزیراعظم نے اس بات کی سختی سے تردید کی تھی کہ آڈیو لیک کرنے میں حکومت کا کوئی کردار نہیں، پہلے میری آڈیو لیک ہوئی ،اگلےدن ایک اورآڈیو لیک ہوگئ، اگرمیں نے کسی اورکی آڈیو لیک کرناتھی تو اپنی کیوں کرتا؟۔