پاکستان کرکٹ بورڈ نے ایشیا کپ اور ورلڈ کپ 2023 سے متعلق اپنے موقف کی وضاحت کردی۔
پی سی بی کا کہنا ہےکہ ایشیا کپ سے متعلق اے سی سی کو بھارت کےمیچز نیوٹرل وینیو پرکرانے کی تجویز دی ہے بھارت کےپاکستان میں کھیلنے سے انکار پرہائبرڈ ماڈل کی تجویز اے سی سی کے سامنے رکھی ہےجو اے سی سی میں زیر غور ہے۔
پی سی بی نےکہاکہ جمعرات کو اسلام آباد میں ہونیوالی گفتگو میں نجم سیٹھی نے کہیں بھی آئی سی سی ورلڈ کپ بارے گفتگو نہیں کی،آئی سی سی فورم پرکہیں بھی ہائی برڈ ماڈل پربات نہیں ہوئی۔اس کا مطلب یہ نہیں کہ صحیح وقت پر آئی سی سی کے مناسب فورم پرہائبرڈ ماڈل کی وکالت نہیں کی جائیگی۔