کراچی : وزیراعلیٰ سندھ مراد علی شاہ نے پولیس افسران کو ہدایت کی کہ مجھے کراچی اسٹریٹ کرائم سے پاک چاہیے اور کام نہ کرنے والے پولیس افسر کو فارغ کریں۔
تفصیلات کے مطابق وزیراعلیٰ سندھ مراد علی شاہ کی زیرصدارت امن و امان سےمتعلق اجلاس ہوا، جس میں چیف سیکریٹری، آئی جی سندھ، ایڈیشنل آئی جی کراچی،سیکریٹری داخلہ ودیگر نے شرکت کی۔
اجلاس میں وزیراعلیٰ سندھ نے ہدایت کی کہ نشے کے عادی افرادکواٹھانا شروع کریں اور انھیں گلشن معمار کی طرف بحالی کے مراکزپر رکھا جائے۔
اجلاس میں ایڈیشنل آئی جی کراچی نے بتایا کہ شہرمیں7500 ایسےاسٹریٹ کرمنلز ہیں جو باربار کرائم کرتے ہیں، یہ 7500 کرمنلزیا تو ضمانت پر ہیں یا مفرور ہیں، جس پر مشیر قانون کا کہنا تھا کہ کرمنلزکی ای ٹریکنگ کے لیے مسودہ قانون تیار ہے۔
یہ بھی پڑھیں : چیئرمین پیپلز پارٹی بلاول بھٹو زرداری کا مورو میں لانگ مارچ سے خطاب
مراد علی شاہ نے کہا کہ وکلا ہائی پروفائل کیسز اوراسٹریٹ کرمنلز کی بیل رد کرائیں، مجھے کراچی اسٹریٹ کرائم سے پاک چاہیے۔
وزیراعلیٰ سندھ کا کہنا تھا کہ میں نے پولیس کو ہر قسم کے وسائل دیےہیں، کام نہ کرنے والے پولیس افسر کو فارغ کریں،مجھےنتیجہ چاہیے اور شہر میں پیٹرولنگ اور دیگر کارروائیوں کی روزرپورٹ چاہیے۔