ملک میں موجودہ سیاسی صورت حال پر قومی کرکٹر محمد عامر کا بیان سامنے آٰیا ہے۔
سماجی رابطے کی مائیکرو بلاگنگ ویب سائٹ ٹوئٹر پر قومی کرکٹر محمد عامر نے ملک کی موجودہ سیاسی صورتحال پر بیان جاری کیا ہے۔
قومی کرکٹر محمد عامر کا کہنا ہے کہ جتنا جذبہ ہمارے حکمران عوام کو جمع کرنے میں لگا رہے ہیں اگر اتنا ہی جذبہ پاکستان ٹھیک کرنے میں آجائے تو کیا ہی بات ہے۔
واضح رہے کہ ملک میں وزیر اعظم عمران خان کی تبدیلی سے متعلق اپوزیشن نے اسمبلی میں عدم اعتماد کی تحریک جمع کرا رکھی ہے جس کے بعد سے سیاسی پارہ ہائی ہے۔
حکومت اوراپوزیشن دونوں کی جانب سے اپنی عوامی طاقت دکھانے کے لیے جلسے و ریلیاں نکالی جارہی ہیں۔ حکومت نے اسلام آباد کے پریڈ گراؤنڈ میں جلسہ کیا تو وہیں مسلم لیگ ن کی جانب سے مہنگائی مکاؤ مارچ نکالا گیا ہے۔