ایرانی دارالحکومت تہران کے جنوب میں ایک گیس پائپ لائن میں آگ بھڑک اٹھی ہے۔
خبر ایجنسی کے مطابق ایرانی حکام نے کسی بھی دھماکے کی موجودگی کی خبر کو تردید کرتے ہوئے کہا کہ آگ لگنے کی وجہ ڈرلنگ کے دوران گیس کا لیکج تھا، انکا کہنا تھا کہ ابھی تک حادثے کی وجہ سے کوئی جانی نقصان نہیں ہوا۔
رواں سال کے دوران ایران میں کئی بار پر اسرار آگ لگنے کے واقعات سامنے آئے ہیں، ان میں حال ہی میں نطنز میں قائم ایرانی جوہری پلانٹ کے قریب دھماکہ اور آتش زدگی بھی شامل تھی، دھماکے کے بارے میں ایرانی حکام کی طرف سے الگ الگ بیان آتے رہیں ہیں۔
اس سال (2021) کے گذشتہ مہینوں میں ایران میں قم، اصفہان اور قزوین سمیت کئی شہروں میں کمپنیوں اور کارخانوں میں آگ لگنے کے واقعات رپورٹ ہوئے مگر ان کی وجہ ظاہر نہیں کی گئی۔