پاکستان فلم و ٹی وی انڈسٹری کی معروف اداکارہ ہانیہ عامر اپنی نئی ویڈیو کی وجہ سے ایک بار پھر تنقید کا شکار ہوگئیں۔
سوشل میڈیا پر ہانیہ عامر کی ایک نئی ویڈیو وائرل ہو گئی ہے جس میں اُنہیں اپنے دوستوں کے ساتھ گلوکاری کرتے ہوئے دیکھا جاسکتا ہے۔
اس ویڈیو میں ہانیہ عامر کے ساتھ ہدایتکار وجاہت رؤف کے بیٹے عاشر وجاہت کو بھی دیکھا جاسکتا ہے جس میں وہ اور اداکارہ بالی ووڈ گانا میں تیرا ہیرو گنگنا رہے ہیں۔
اس ویڈیو پر صافین شدید تنقید کا اظہار کر رہے ہیں ،عُمر مالا نامی صارف نے کمنٹ سیکشن میں کہا کہ ہانیہ نے گانے کا انتخاب بھی اپنے شعبے کی طرح ہی کیا ہے۔
ایک اور صارف اقراء اسلم نے کہا کہ ان کی گلوکاری سُننے کے بعد میرے کان پھٹنے لگے تھے۔
ایک صارف نے ہانیہ عامر کی آواز کو بےسُری قرار دے دیا۔
عبدالرحمٰن نامی صارف نے کہا کہ یہ گلوکاری سُننے کے بعد میکا سنگھ پر کیا گُزرے گی۔
اسد افضل خان نامی صارف نے عاشر وجاہت کی آواز کا مذاق اُڑاتے ہوئے کہا کہ عاشر کی آواز میں کتنا جادو ہے، ذرا آواز بند کر کے سُنو۔
واضح رہے کہ اداکارہ ہانیہ عامر کو کبھی اُن کے ہونٹوں کی سرجری کی وجہ سے تنقید کا سامنا کرنا پڑتا ہے تو کبھی اُنہیں اُن کے دوستوں کے ساتھ بنائی ویڈیوز پر ٹرول کیا جاتا ہے۔