پاکستان کی خوبرو اداکارہ سجل علی نے طلاق کی خبروں کے بعد اپنی پہلی پوسٹ سوشل میڈیا پر شیئر کردی۔
سجل علی نے فوٹو اینڈ ویڈیو شئیرنگ ایپ انسٹاگرام پر اپنی نئی تصویر شیئر کی ہے جوکہ بلیک اینڈ وائٹ ہے۔
اس تصویر میں سجل علی کو مغربی لباس میں کافی پُراعتماد دیکھا جاسکتا ہے۔
اپنی پوسٹ کو شئیر کرتے ہوئے انہوں نے کیپشن میں لکھا کہ اپنے خوف کو اپنی قسمت کا فیصلہ کبھی نہ کرنے دیں۔
اداکارہ کی پوسٹ پر شوبز شخصیات سمیت مداحوں کی جانب سے بھی مختلف تبصروں کا سلسلہ جاری ہے جبکہ اب تک اس پوسٹ کو تین لاکھ کے قریب صارفین لائک کرچکے ہیں۔
یاد رہے کہ شوبز انڈسٹری سے تعلق رکھنے والے صحافیوں کا احد اور سجل کی طلاق سے متعلق بتانا ہے کہ اس جوڑی کے درمیان طلاق احد رضا میر کی جانب سے اختیار کیے گئے لاپرواہی کے رویے اور متعدد معاشقوں کے سبب ہوئی ہے تاہم ان دونوں اداکاروں نے اب تک اس حوالے سے کوئی تردید یا تصدیق نہیں کی ہے۔