ممبئی: بالی ووڈ اداکارہ رانی مکھرجی نے انکشاف کیا ہے کہ جب بالی ووڈ میں آئیں تو اس زمانے میں ان کا خیال تھا کہ وہ ہیروئن بننے کیلئے فٹ نہیں ہیں۔
غیر ملکی خبر رساں ادارے کے مطابق رانی نے انکشاف کیا کہ ان کا قد کافی پستہ ہے اور ان کی آواز بھی فلمی ہیروئن جیسی نہیں ہے۔
بالی ووڈ کی اداکارہ رانی نے بتایا کہ ایسے میں جب وہ اپنے اداکاری کے کیریئر کے حوالے سے غیر یقینی کی صورتحال سے دوچار تھیں تو اداکار کمل ہاسن نے ان کی کافی مدد کی اور فلمی اداکاراوں کے بارے میں جو ایک دقیانوسی روایات بنی ہوئی تھیں ان کو میرے اندر سے ختم کرنے میں اہم کردار ادا کیا۔
اداکارہ رانی کا ماننا تھا کہ میں ہیروئن کیٹگری کے لیے فٹ نہیں ہوں، میرا قد کم اور آواز مخصوص ہیروئنز جیسی نہیں تھی تو میں غیر یقینی کا شکار تھی۔اس کے علاوہ اداکارہ رانی نے دورانِ انٹرویو بتایا کہ میں سری دیوی، جوہی چاولہ، مادھوری ڈکشٹ اور ریکھا کو دیکھ کر بڑی ہوئی تھی اور یہ سب میری آئیڈیل تھیں۔