اداکارہ کترینہ کیف اور اداکار وکی کوشل کی جوڑی بالی وڈ انڈسٹری کی نوبیاہتا جوڑیوں میں پہلے نمبر پر آتی ہے۔
گزشتہ روز یہ دونوں شادی کے بندھن میں بندھ چکے ہیں اور آج سویرے ہی انہیں ایک ساتھ منظر عام پر پہلی بار دیکھا بھی گیا ہے۔
رپورٹس کے مطابق یہ جوڑی ممبئی واپسی کی تیاری کر رہی ہے اور اس مقصد کے لئے انہیں جے پور کے ہوائی اڈے پر دیکھا گیا ہے۔
اس ہوائی اڈے پر دونوں کو ایک نجی ہوائی جہاز میں سوار ہوتے ہوئے دیکھا گیا ہے جہاں سے وہ ممبئی روانہ ہونگے۔
خیال رہے کہ اس جوڑے کے حوالے سے اطلاعات تھیں کہ اپنی شاہانہ انداز میں شادی کے بعد ممبئی میں شوبز شخصیات کے لئے ایک گرینڈ پارٹی کا اہتمام کیا جائیگا۔
اس پارٹی میں شوبز کی تمام تر شخصیات کو مدعو کیا جائیگا جبکہ نئے رشتے کے آغاز کے لئے بھی بھرپور انداز میں جشن منایا جائیگا۔