عامر لیاقت حسین کی دوسری سابقہ اہلیہ سیدہ طوبیٰ انور نے اُن کی تیسری شادی اور سوشل میڈیا پر گردش کرتی ایک ویڈیو کے حوالے سے بیان جاری کیا ہے۔
طوبیٰ انور نے انٹرنیٹ پر ایک ویڈیو منظر عام پر آنے کے بعد “تہمت” کے بارے میں قرآنی آیات شیئر کی ہیں، جس میں ان کے سابق شوہر عامر لیاقت انہیں شریک اداکار شہروز سبزواری سے جوڑ رہے ہیں۔
واضح رہے کہ گزشتہ روز عامر لیاقت کی تیسری شادی کی خبریں آتے ہی ایک پرانی ویڈیو وائرل ہونا شروع ہوگئی تھی، جس میں عامر لیاقت ایک پروگرام کے دوران کہہ رہے ہیں کہ طوبیٰ شہروز کے ساتھ ہے۔
قبل ازیں عامر لیاقت نے اپنی تیسری شادی کے بارے میں جاری بیان میں کہا ہے کہ میں نے کسی ناجائز تعلق نہیں بنایا، بلکہ شادی کی ہے کیونکہ میں ہمیشہ حلال رشتوں پر یقین رکھتا ہوں۔
ان کا کہنا تھا کہ ہمارا دین ہمیں شادی کرنے کی اجازت دیتا ہے اور کہتا ہے کہ طلاق یا خلع کو فوقیت نہ دی جائے، لیکن اگر کوئی لینا چاہے تو آپ اسے روک نہیں سکتے ہیں۔
انہوں نے مزید کہا کہ اللہ سے ڈرنا چاہیئے بیوی سے نہیں اور ایک بیوی کے ہوتے ہوئے لوگ دوسری شادی کے خواہشمند ہیں تو بغیر ڈرے دوسری شادی کریں۔