پاکستان کی نامور اداکارہ، وی جے اور میزبان انوشے اشرف نے اپنے ٹوئٹ میں بنا کسی کا نام لئے کسی کو شدید تنقید کا نشانہ بنایا ہے۔
انوشے اشرف نے گزشتہ روز اپنے سماجی سوشل میڈیا اکاؤنٹ کے ذریعے ایک پیغام جاری کیا ہے جو کہ کافی وائرل بھی ہورہا ہے۔
اس پیغام میں انوشے اشرف نے بغیر نام لئے کہا ہے کہ صرف ساتھ کام کرنے کا مقصد یہ نہیں ہوتا ہے کہ آپ کو کچھ بھی کرنے کا حق مل گیا ہے۔
انہوں نے واضح کرتے ہوئے کہا ہے کہ کسی بھی مقصد کے لئے ضروری ہوتا ہے کہ دونوں فریقین اس عمل کے لئے رضامند ہوں۔
انہوں نے مزید کہا ہے کہ ہمارے درماین کسی قسم کی دوستی نہیں ہے، ہم صرف ساتھ میں کام کرتے ہیں اور مجھے آپ سے اس رویئے کی قطعی امید نہیں تھی ۔
انوشے اشرف کا کہنا تھا کہ کسی کی بھی ذاتی زندگی میں مداخلت کرنے کا کسی کو حق نہیں اور یہ المیہ سمجھنے کی اشد ضرورت ہے۔
واضح رہے کہ انوشے اشرف نے اپنے ٹوئٹ میں یہ کہیں نہیں بتایا کہ کس نے، کس طرح اور کس نوعیت کی بدتمیزی ان کے ساتھ ہے البتہ اپنے خیالات کا اظہار ضرور کیا ہے۔