دبئی: ہزاراوں کی تعداد میں ملکی اور غیر ملکی افراد کا دبئی ایکسپو کے پاکستان پویلین میں آمد کا سلسلہ جاری ہے۔
تفصیلات کے مطابق دبئی میں ایکسپو جاری ہے جس میں پاکستان پویلین بھی بنایا گیا ہے جبکہ روزانہ کی بنیاد پر ہزاروں لوگ پاکستان پویلین کا دورہ کررہے ہیں۔
پنجاب کے صوبائی وزیر معدنیات حافظ عمار یاسر، سیکرٹری صنعت وتجارت ڈاکٹر واصف خورشید، سی ای او پنجاب سرمایہ کاری بورڈ ڈاکٹر ارفع اقبال اور ڈائریکٹر پیسک یاور مہندی نے بھی پاکستان پویلین کا دورہ کیا۔
اس موقع پر انہوں نے پنجاب اسمال انڈسٹریز کارپوریشن کے دستکاروں کو اپنے شاہکار تخلیق کرتے ہوئے دیکھا جبکہ شرکاء نے دستکاروں کے فن کو سراہا۔
صوبائی وزیر معدنیات عمار یاسر کا کہنا ہے کہ دبئی ایکسپو میں پنجاب حکومت کی بھر پور شرکت سے پنجاب کے کلچر اور سرمایہ کے پونٹنشیل سے آگاہ کیا جارہا ہے۔
عمار یاسر کا کہنا تھا کہ مجھے دبئی ایکسپو میں شرکت کرکے پنجاب کے کلچر کے رنگ دیکھ کر بے حد خوشی ہورہی ہے۔ وزیر اعلیٰ اور حکومت پنجاب کی جانب سے شرکاء کو پاکستان پویلین میں خوش آمدید کہتا ہوں۔
سیکرٹری صنعت وتجارت واصف خورشید کا کہنا تھا کہ لوگوں کو یہاں اکھٹا کرنے کا مقصد انہیں پنجاب کا کلچر اور ملک کا سافٹ امیج دکھانا ہے، پنجاب کے دستکاروں کی تیار کردہ ہینڈی کرافٹس دنیا بھر میں مقبول ہیں۔
سی ای او پنجاب سرمایہ کاری بورڈ ڈاکٹر ارفع اقبال کا کہنا تھا کہ دبئی ایکسپو میں پنجاب کی شرکت سے صوبے میں نئی سرمایہ کاری آئے گی۔