کراچی: معروف اداکارہ کومل عزیز نے کہا ہے کہ انہیں جیسے ہی اچھا لڑکا ملے گا وہ شادی کرلیں گی۔
ایک سوال کے جواب میں کومل عزیز نے بتایا کہ اداکاری میں اچھا کیریئر بنانے اور کاروبار شروع کرنے کے بعد اب ان کا شادی کا ارادہ ہے اور جیسے ہی انہیں اچھا لڑکا مل جائے گا وہ رشتہ ازدواج میں بندھ جائیں گی اور ممکن ہے کہ وہ ایک سال کے اندر ہی شادی کرلیں۔
ایک ٹی وی شو میں گفتگو کرتے ہوئے کومل عزیز نے انکشاف کیا ہے کہ کیریئر کے آغاز میں انہیں دیگر مشوروں کے ساتھ ٹھوڑی کی سرجری کرانے کا مشورہ بھی دیا گیا تھا تاہم انہوں نے اس مشورے پر عمل نہیں کیا۔ انہوں نے بتایا کہ کیریئر کا آغاز سکول میں ٹیچنگ سے کیا پھر قسمت شوبز میں لے آگئی تاہم میرا شوق کاروبار کا ہے۔
انہوں نے بتایا کہ منصوبہ بندی کے ساتھ اداکاری کی اور اپنا کپڑوں کا برانڈ متعارف کرایا اور جلد ہی ان کا اپنا اسٹور کھولنے کا بھی ارادہ ہے۔
ان کے مطابق کاروبار کرنا ان کی اولین ترجیح دی مگر ساتھ ہی اداکاری کا بھی شوق تھا اور اب ان کے دونوں منصوبے پورے ہوگئے۔
کومل عزیز نے بتایا کہ انہیں ٹھوڑی (ڈمپل چن) کی سرجری کرانے کا مشورہ بھی دیا گیا تھا جو انہوں نے نہیں مانا۔