پاکستان شوبز کی خوبرو اداکارہ نیلم منیر کی تصاویر سوشل میڈیا پر وائرل ہو گئی ہیں۔
اداکارہ نے فوٹو اینڈ ویڈیو شئیرنگ ایپ انسٹاگرام پر اپنی تصاویر پوسٹ کی ہیں۔
شئیر کی گئی تصاویر میں نیلم منیر مغربی لباس زیب تن کی ہوئی ہیں جسے مداحوں کی جانب سے بہت پسند کیا جارہا ہے۔
اس سے قبل نیلم منیر نے انکشاف کیا ہے کہ مداح ان سے اتنی محبت کرتے ہیں کہ ان کے ہاتھ چوم کر آنکھوں پر رکھتے ہیں۔
نیلم منیر نے اپنے انٹرویو میں بتایا تھا کہ وہ عید الفطر پر ریلیز ہونے والی فلم چکر میں ڈبل کردار ادا کرتی دکھائی دیں گی۔
اس دوران اداکارہ نیلم منیر نے کہا کہ ان کے مداح ہی ان کے لیے ایوارڈز کی اہمیت رکھتے ہیں کیوںکہ وہ جب ان سے ملتے ہیں تو عقیدت میں ان کے ہاتھ چوم کر آنکھوں پر رکھتے ہیں۔
اداکارہ نے کہا کہ ان کے خاندان میں لڑکیوں کے معاملے پر اتنی سختی ہے کہ ان کے خاندان کی لڑکیوں کو سوشل میڈیا پر تصاویر لگانے کی اجازت تک نہیں ہے۔
انہوں نے بتایا کہ ان کا تعلق پختون خاندان سے ہے اور ان کی بہنیں بھی سوشل میڈیا پر اپنی تصاویر تک شیئر نہیں کرتیں مگر انہیں کسی طرح اجازت مل گئی تھی اور ایسے ہی وہ شوبز میں آگئیں۔
ایک سوال کےجواب میں انہوں نے بتایا کہ انہیں بچپن سے ہی اداکاری کا شوق تھا اور ہیروئن بننا چاہتی تھیں، اب مداح ہی بتا سکتے ہیں کہ وہ ہیروئن بن گئی ہیں یا نہیں؟
اداکارہ کا کہنا تھا کہ وہ ہمیشہ سے ہی منفرد کردار ادا کرنا چاہتی ہیں اور اگر انہیں کردار کے لیے بوڑھی عورت بننا پڑے یا پھر لڑکا بننا پڑے تو بھی وہ گریز نہیں کریں گی۔
یاد رہے کہ نیلم منیر جلد ہی رومانٹک کامیڈی فلم ’چکر‘ میں جلوے بکھیرتی نظر آئیں گی، جس میں ان کے ہمراہ احسن خان، یاسر نواز، شمعون عباسی اور دیگر اداکار ایکشن میں دکھائی دیں گے، فلم عیدالفطر پر ریلیز ہوگی۔