پاکستان شوبز انڈسٹری کی اداکارہ نیلم منیر کی تصاویر سوشل میڈیا پر وائرل ہو گئی ہیں۔
اداکارہ نے اپنے آفیشل اکاؤنٹ انسٹاگرام پر چند تصاویر پوسٹ کی ہیں۔
شئیر کی گئی تصاویر میں نیلم منیر کو مغربی لباس میں دیکھا جاسکتا ہے جسے مداحوں کی جانب سے بہت پسند کیا جارہا ہے۔
ان تصاویر پر اداکارہ کے مداحوں کی جانب سے مختلف تبصروں کا سلسلہ جاری ہے۔
گزشتہ دنوں اداکارہ نے اپنی شادی کےحوالے سے انکشاف کیا تھا کہ ان کی شادی کی خبر اچانک ہی سامنے آئے گی۔
نیلم منیر نے شادی کے حوالے سے بتایا کہ وہ سادگی سے شادی کریں گی۔
اداکارہ کا اپنے والے پروجیکٹس سے متعلق کہنا تھا کہ عیدالفطر پر ریلیز ہونے والی پانچ فلموں کے مقابلے میں میری فلم چکر نمبر ون ثابت ہوگی، میرا کسی اداکارہ سے مقابلہ نہیں ہے، عیدالفطر پر میری تیسری فلم ریلیز ہوگی۔
نیلم نے کہا کہ اس سے قبل فلم بین مجھے چھپن چھپائی اور رانگ نمبر 2 میں دلچسپ کرداروں میں دیکھ چکے ہیں۔
اداکارہ نیلم منیر نے ایک سوال کے جواب میں بتایا کہ جب کسی فنکارہ کے طلاق کی خبر سنتی ہوں تو اداس ہوجاتی ہوں۔
تاہم اداکاہ نے مزید کہا کہ فنکاروں کی آپس کی شادیاں اچھی روایت ہے، عالیہ بھٹ اور رنبیر کو مبارکباد پیش کرتی ہوں۔
نیلم منیر نے کہا کہ احسن خان کے ساتھ اچھی اسکرین کیمسٹری ہے، ان کے ساتھ چکر میری دوسری فلم ہے۔