آرمینیا اور آذر بائیجان کے درمیان خونریز جھڑپوں کے بعد روس کی ثالثی میں جنگ بندی پر اتفاق ہوگیا ہے۔
آرمینیا کی وزارت دفاع کی جانب سے جاری بیان کے مطابق روس کی ثالثی میں جنگ بندی پر اتفاق ہوگیا ہے جس کے بعد آرمینیا کی مشرقی سرحد پر صورت حال پہلے سے بہتر ہوگئی ہے۔
رپورٹس کے مطابق آرمینیا اور آذربائیجان کے درمیان جھڑپوں میں 15 آرمینین فوجی ہلاک ہوئے ہیں۔
واضح رہے کہ گزشتہ برس آذربائیجان نے نگورنو کاراباخ کے متنازع علاقے میں 6 ہفتے تک جاری رہنے والی جھڑپ کے دوران بڑی فتح حاصل کی تھی جس کا چند روز قبل قومی سطح پر جشن بھی منایا گیا تھا۔
ایک معاہدے کے بعد دونوں ممالک کی افواج میں جھڑپ تو ختم ہوگئی تھی لیکن کچھ نہ کچھ چپقلش چلتی رہی۔
حالیہ ہونے والی جھڑپ میں آرمینیا نے الزام عائد کیا تھا کہ یہ جھڑپ آذری فوج کی جانب سے شروع کی گئی تھی جس میں 12 سپاہیوں کو گرفتار کیا گیا۔
وزارت دفاع کی جانب سے ہلاک ہونے والے فوجیوں کی تعداد نہیں بتائی گئی تھی لیکن پارلیمنٹ کی خارجہ امور کمیٹی کے سربراہ ایڈورڈ کا کہنا تھا کہ 15 کے قریب آرمینیائی فوجی ہلاک ہوئے ہیں۔
دوسری طرف آذربائیجان کا موقف ہے کہ اس نے صرف آرمینیا کی جانب سے کیے گئے حملے پر جوابی کارروائی کی ہے۔